Un servu tempu fa di sta piazza accussi prijava a un Cristu, e cci dicia, Signuri u me patruni mi strapazza. Mi tratta comu un cani di la via Tuttu si pigghia ccu la so manazza, la vita dici chi mancu e mia, si io mi lagnu cchiu peju ma minazza cu ferri mi castija e prigiunia, quindi ju vi preiu, chista mala razza, distruggitila vui, Cristu pi mia. E tu forsi chi hai li vrazza ciunchi, oppuru l’hai nchiuvati comu a mia? Cu voli la giustizia si la faccia. Ne speri ch’autru la faccia pi tia. Si tu si omu e non di testa pazza, metti a prufittu sta sintenza mia. Iù non saria supra sta cruci si avissi fattu quantu dicu a tia.
Scritto da Lionardo Vigo
A cura di Michele Milazzo
Acicastello Informa 
Lascia un commento